ეს გვერდი განმარტავს, ვინ ხედავს გამოგზავნილ დოკუმენტს, რომელ არხებს ვიყენებთ, ვის შეიძლება გადაეცეს სამუშაო მასალა, რამდენ ხანს ვინახავთ და როგორ შეგიძლიათ წაშლის მოთხოვნა.
განახლებულია: 5 სექტემბერი, 2026მონაცემთა დამუშავებაზე პასუხისმგებელია ინდივიდუალური მეწარმე მარიამ ზუმაძე, ს/ნ 30601010853, მომსახურების ბრენდით TARGMANEBI.
კონფიდენციალურობის საკითხებზე დაგვიკავშირდით: info@targmanebi.ge, +995 501 11 32 00.
დოკუმენტი შეიძლება მივიღოთ WhatsApp-ით, ელფოსტით, საიტის ფორმით, Tawk ონლაინ ჩატით ან თბილისის ოფისში. თქვენ მიერ არჩეულ არხში გამოგზავნილი ფაილი თავდაპირველად იმავე სერვისში ინახება.
განსაკუთრებით მგრძნობიარე დოკუმენტისთვის შეგიძლიათ წინასწარ გვკითხოთ, რომელი არხია კონკრეტულ შემთხვევაში ყველაზე შესაფერისი.
დოკუმენტს პირველად ხედავს მენეჯერი ან ოპერატორი. შემდეგ შერჩეულ თარჯიმანს გადაეცემა მხოლოდ ის ნაწილი, რომლის თარგმნაც საჭიროა. საჭიროების შემთხვევაში სამუშაოში შეიძლება ჩაერთოს შემმოწმებელი ან რედაქტორი.
თუ შეკვეთა მოიცავს ნოტარიულ პროცედურას, ფიზიკურ მიწოდებას ან სხვა თანმდევ მომსახურებას, აუცილებელი მონაცემი შეიძლება გადაეცეს შესაბამის ნოტარიუსს, კურიერს ან უფლებამოსილ უწყებას მხოლოდ კონკრეტული მომსახურების შესრულების მიზნით.
ფაილები ინახება იმ არხში, სადაც კლიენტმა გამოგზავნა, ან TARGMANEBI-ს დაცულ სერვერზე. საჭიროების მიხედვით შეიძლება გამოვიყენოთ Google Drive, Dropbox ან WeTransfer ფაილის უსაფრთხოდ გაზიარებისთვის.
საიტის ფორმის, ჩატის, ანალიტიკისა და კომუნიკაციის ფუნქციებში გამოიყენება შესაბამისი ტექნიკური მომწოდებლები, მათ შორის Formspree, Tawk, Google და შეტყობინების/ელფოსტის სერვისები. მათი ინფრასტრუქტურა შეიძლება საქართველოს ფარგლებს გარეთაც მდებარეობდეს.
სათარგმნი სამუშაო ფაილები ჩვეულებრივ ინახება მომსახურების დასრულებიდან მაქსიმუმ 1 თვის განმავლობაში, შემდეგ კი იშლება ან ნადგურდება, თუ მათი უფრო ხანგრძლივად შენახვა კლიენტს არ მოუთხოვია ან კანონით აუცილებელი არ არის.
ანგარიშსწორების, საგადასახადო ან დავასთან დაკავშირებული ჩანაწერი შეიძლება კანონით მოთხოვნილი ვადით შეინახოს, თუმცა ეს არ ნიშნავს სათარგმნი დოკუმენტის სრული ასლის ავტომატურად შენახვას.
TARGMANEBI კლიენტის დოკუმენტის შინაარსს ხელოვნური ინტელექტის სისტემებში არასდროს აგზავნის და AI-ს დოკუმენტის სათარგმნად ან დასამუშავებლად არ იყენებს.
საიტზე არსებული ანალიტიკური ან ტექნიკური ავტომატიზაცია არ გამოიყენება კლიენტის დოკუმენტზე თარგმანის შესასრულებლად.
წვდომა ეძლევა მხოლოდ იმ პირებს, ვისაც კონკრეტული სამუშაოს შესრულება სჭირდება. ვცდილობთ შევზღუდოთ ზედმეტი ასლების შექმნა, დავიცვათ მოწყობილობები და ანგარიშები და მომსახურების დასრულების შემდეგ ფაილები წავშალოთ განსაზღვრული წესით.
წაშლის მოთხოვნა გამოგვიგზავნეთ info@targmanebi.ge-ზე ან იმავე საკომუნიკაციო არხში, რომლითაც მოგვმართეთ. იდენტობისა და ფაილის დადგენის შემდეგ ჩვენს პირდაპირ კონტროლში არსებულ აქტიურ ასლებს ვშლით დაუყოვნებლივ — ჩვეულებრივ, რამდენიმე წუთში.
მესამე მხარის სისტემის სანაგვე, ტექნიკური backup ან კანონით შესანახი ჩანაწერი შეიძლება წაიშალოს შესაბამისი მომწოდებლის ტექნიკური ციკლის ან სავალდებულო ვადის შესაბამისად.
შეგიძლიათ მოითხოვოთ ინფორმაცია თქვენი მონაცემების დამუშავების შესახებ, მონაცემებზე წვდომა, არაზუსტი ინფორმაციის გასწორება, განახლება, დამუშავების შეწყვეტა ან წაშლა — კანონით გათვალისწინებული პირობების შესაბამისად.
ოფიციალური სამართლებრივი ტექსტი იხილეთ საქართველოს საკანონმდებლო მაცნეს გვერდზე: „პერსონალურ მონაცემთა დაცვის შესახებ“.
თუ შეიცვლება დოკუმენტების მიღების არხი, შენახვის ვადა, ტექნიკური მომწოდებელი ან სამუშაო პროცესი, ამ გვერდს განვაახლებთ და ზემოთ მივუთითებთ განახლების თარიღს.
მოგვწერეთ იმ საკონტაქტო მონაცემით, რომლითაც შეკვეთა გამოაგზავნეთ, რათა საჭირო ფაილის უსაფრთხოდ იდენტიფიცირება შევძლოთ.